कालिका : चितवनको कालिका नगरपालिकामा आँखा उपचार केन्द्र सञ्चालनमा आएको छ ।
कालिका नगरपालिका ८ को कार्यालय परिसरमा स्थापना गरिएको आँखा उपचार केन्द्रबाट उक्त सेवा लिन पाइने छ ।
उपचार केन्द्रको बुधबार कालिका नगरपालिका प्रमुख विनोद रेग्मीले उद्घाटन गर्नुभयो । नगर प्रमुख रेग्मीले अब आँखाको उपचारका लागि नगरबासीले भरतपुर धाउनु नपर्ने बताउनुभयो ।
यो केन्द्र कालिकाबासीकै लागि महत्वपूर्ण उपलब्धिका रुपमा ठानिएको छ । रेग्मीले स्वास्थ्य शिक्षा र खानेपानीलाई प्राथमिकता दिँदै आएको र त्यसैको उपलब्धि आँखा उपचार केन्द्र भएको बताउनुभयो ।
भरतपुर आँखा अस्पताल, नेत्रज्योती संघसँग सहकार्यमा सेवा विस्तार गरिने पनि उहाँले प्रतिबद्धता जनाउनुभएको छ ।
