काठमाडौँ, ६ माघ : राष्ट्रिय विपद् जोखिम न्यूनीकरण तथा व्यवस्थापन प्राधिकरणका सहसचिव डा. भीष्मकुमार भुसाललाई उक्त प्राधिकरणको कार्यकारी प्रमुखकाे जिम्मेवारी दिइएकाे छ ।
गृहमन्त्रीस्तरको निर्णयअनुसार डा. भुसाललाई अर्को व्यवस्था नभएसम्मका लागि प्राधिकरणको कार्यकारी प्रमुखका रुपमा कामकाज गर्ने गरी जिम्मेवारी दिइएकाे हाे ।
विपद् जोखिम न्यूनीकरण तथा व्यवस्थापन नियमावली, २०७६ को नियम ५ (ग) वमोजिम डा. भूुसाललाई कार्यकारी प्रमुखको जिम्मेवारी प्राप्त भएको हो।
पुस १ गते कार्यकारी प्रमुख अनिल पोखरेलको कार्यकाल समाप्त भएपश्चात हाल कार्यकारी प्रमुखकाे पद खाली छ। नियुक्तिको प्रक्रिया चलिरहेकाले नियुक्ति नहुँदासम्म डा भुसालले प्राधिकरणकाे नेतृत्व सम्हाल्नु हुनेछ ।
डा भुसालले अर्को व्यवस्था नभएसम्मका लागि राष्ट्रिय विपद जोखिम न्यूनीकरण तथा व्यवस्थापन प्राधिकरणको प्रमुख कार्यकारीको भूमिका प्राप्त भएकाे जानकारी दिनुहुँदै
गृहमन्त्री रमेश लेखक र गृहसचिव गाेकर्णमणि दुवाडीप्रति आभार प्रकट गर्नुभएको छ ।