कालिका : चितवनको कालिका नगरपालिका वडा नं ९ शक्तिखोरको महाकाली आधारभूत विद्यालय कोलारका १२० जना विद्यार्थी नयाँ पोशाक, शैक्षिक तथा खेलकुदका सामाग्री प्राप्त गर्दा दङ्ग परेका छन् । यहाँ धेरै चेपाङ विद्यार्थीहरु पढ्छन् ।

‘नेपाल हिल्फे डिरेक्ट’ संस्थाले आज शुक्रवार विद्यालयमा पुगेरै सहयोग गरेको हो। कालिका नगरपालिकाका प्रमुख विनोद रेग्मी, वडा नं ९ का वडा अध्यक्ष नीलकण्ठ मगर, गैर सरकारी संस्था महासंघ चितवनका पूर्वअध्यक्ष केशव आचार्यलगायतको सहभागिता थियो।
कार्यक्रमा नगरप्रमुख रेग्मीले अब छिट्टै नयाँ भवनमा सर्ने जानकारी गराउँदै विद्यार्थीहरुलाई सरसफाइमा ध्यान दिन, स्कुलका भवन सफा राख्न अनुरोध पनि गर्नुभयो । उहाँले बालबालिकालाई आधारभूत व्यवहारिक ज्ञान समेत प्रदान गर्नुभएको थियो ।
त्यहाँका विद्यार्थीहरूलाई ट्याक सुट, ब्याडमिन्टन, भलिबल, फुटबल, कपी, कलमलगाएत विद्यालय पोशाक र शैक्षिक सामग्री वितरण गरिएको थियो । नेपाल हिल्फे डिरेक्टका संयोजक, समाजसेवी तथा सौराहाका पर्यटन व्यवसायी श्रीलाल परियार उनीहरुले झण्डै डेढ लाख बराबरका सामाग्रीहरु पाएका जानकारी दिनुभयो ।
बालबालिकाहरुको शैक्षिक गुणस्तर विकासका लागि विद्यालय पोशाक शैक्षिक सामाग्री वितरण गरिएको भन्दै उहाँले नेपाल हिल्से डिरेक्टले पहाडी क्षेत्रका बालबालिकाको लागि सहयोग गर्दै आएको बताउनुभयो । यसरी आफ्नो पालिकामा आएर बालबालिकालाई सहयोग गरेकोमा नगरप्रमुख रेग्मीले परियारलाई धन्यवाद दिनुभयो ।
कार्यक्रममा विद्यालयकी प्राधानाध्यापक चन्द्रमाया प्रजा, विद्यालय व्यवस्थापन समितिका अध्यक्ष जयाबहादुर प्रजालगायतको सहभागिता रहेको थियो।