काठमाडौँ, २८ वैशाख : एक व्यक्ति गृहमन्त्रीको साथी भन्दै सरकारी कर्मचारीलाई नै धाक, धम्की दिएपछि पक्राउ परेका छन् ।
काठमाडौँ उपत्यका अपराध अनुसन्धान कार्यालयले गृहमन्त्रीको साथी भएको भनी विभिन्न कार्यालयका कर्तव्यपालना गरिरहेका राष्ट्रसेवक कर्मचारीहरुलाई टेलिफोनमार्फत गाली गलौच तथा डरत्रास धाक, धम्की दिई दैनिक काम काजमासमेत अवरोध गरेपछि काभ्रेका राजकुमार श्रेष्ठलाई पक्राउ गरिएको जनाएको छ ।
उनलार्य पक्राउ पछि आज सार्वजनिक थर्दै थप कारबाहीका लागि आजै जिल्ला प्रहरी परिसर काठमाडौँमा बुझाइएको कार्यालयका प्रवक्ता, प्रहरी उपरीक्षक काजीकुमार आचार्यले जानकारी दिनुभयो ।
आचार्यले भन्नुभयो, “यसरी सरकारी कर्मचारीलाई नै धम्क्याउन थालेको सूचना हामी कहाँ आइपुग्यो, अनि कार्यालयबाट खटिएको प्रहरी टोलीले काभ्रेपलान्चोक जिल्लाको बनेपा तीनदोबाटोबाट उनलाई पक्राउ गरी ल्याएका हौँ ।”
पक्राउ परेका श्रेष्ठलाई मुलुकी अपराध संहिताको परिच्छेद २ को दफा ८५ बमोजिम राष्ट्रसेवक कर्मचारीलाई काम काजमा बाधा विरोध गर्न नहुने कसुरमा थप अनुसन्धान तथा आवश्यक कारबाही लाथिएको जिल्ला प्रहरी परिसर काठमाडौँले जानकारी दिएको छ ।
यसैबीच काठमाडौँ उपत्यका अपराध अनुसन्धान कार्यालेले वादी नेपाल सरकार भई दर्ता भएको मुद्दामा काठमाण्डौ जिल्ला अदालतको आदेशले २ बर्ष कैद एक लाख जरिवाता तोकिइ फरार भएका भक्तपुरका इन्द्रप्रसाद कपालीलाई पक्राउ गरी आज सार्वजनिक गरिएको छ ।
उनलाई आजै फैसला कार्यान्वयनका लागि अदालतमा पेश गरिएको पनि आचार्यले जानकारी दिनुभयो ।
